„Mér fannst hann spilast nokkurn veginn eins og maður reiknaði með, sérstaklega fyrri hálfleikur þar sem við vorum agressívari og fullt power.“ sagði Páll Viðar Gíslason, þjálfari Magna, eftir 1 - 3 tap gegn Fjölnir í 32-liða úrslitum Mjólkurbikarsins.
Lestu um leikinn: Magni 1 - 3 Fjölnir
Fyrsta mark Fjölnis breyti leiknum hjá Magna.
„Þegar við fengum markið á okkur, slitnaði þetta svolítið í sundur og var svolítið fram og til baka“
Magni hefur leik í Inkasso deildinni næsta laugardag gegn HK á útivelli og er það frumraun Magna í 1. deildinni.
„Okkur hlakkar til að máta okkur við þessi lið og ég reikna með að við söfnum kröftum fram að leik og reynum að fá heilsteyptari leik á móti HK.“
Magna er spáð 10 sæti af Fótbolti.net.
„Bara geggjað, mér er í rauninni alveg sama hvar okkur hefur verið spáð, við erum með ákveðin verkefni að gera góða hluti í þessari deild og menn eru hungraðir í það. Ég er eiginlega sannfærður um að við eigum eftir að enda í góðu sæti í þessari deild.“
Hlusta má á viðtalið í heild sinni hér að ofan.
Athugasemdir
