ÍA vann sterkan sigur á KA í Bestu deildinni á Akureyri í kvöld. Fótbolti.net ræddi við Arnór Smárason fyrirliða Skagamanna eftir leikinn.
Lestu um leikinn: KA 2 - 3 ÍA
„Við sýndum frábæran karkter, við erum að þjást megnið af seinni hálfleik og gerum það mjög vel. Ég er rosalega stoltur af liðinu að hafa þraukað þetta út og tekið mjög mikilvæg stig hérna fyrir norðan," sagði Arnór.
„Þeir komast yfir eftir klaufaleg mistök frá okkur og enn og aftur sýnum við karakter og svörum með tveimur mörkum svo jafna þeir og við komumst aftur yfir. Þetta var bara barátta, það var bara eitt í boði fyrir okkur, að koma norður og vinna leikinn, við svo sannarlega gerðum það."
Leikmenn ÍA létu ekki umræðuna eftir tap liðsins gegn Víkingum trufla sig.
„Við reyndum innan hópsins að fókusera ekki of mikið á það sem við gátum ekki stjórnað, umræðunni og þess háttar. Við þjöppuðum okkur saman innan hópsins og ákváðum að reyna svara fyrir það inn á vellinum og mér fannst við svo sannarlega gera það. Þetta var ekki fallegur fótbolti en þeim mun sætari," sagði Arnór.