Sky Sports í Þýskalandi segir að Arsenal horfi til Boateng til að styrkja öftustu línu en varnarleikur enska liðsins hefur verið dapur á tímabilinu.

Sagt er að Arsenal hafi þegar sett sig í samband við Bayern sem er tilbúið að selja hinn 31 árs Boateng fyrir um 13 milljónir punda.

Tierney frá í þrjá mánuði
Annars er það að frétta af meiðslalista Arsenal að Kieran Tierney, bakvörðurinn sem kom frá Celtic, fór í vel heppnaða aðgerð á öxl. Hann mun ekki snúa til æfinga að fullu fyrr en í mars.

Tierney hefur aðeins spilað ellefu leiki síðan hann var keyptur síðasta sumar.