![Icelandair](/images/icelandair2_150x150px.png)
Íslenska kvennalandsliðið mætti Austurríki á Laugardalsvelli í undankeppni EM núna í kvöld.
Íslenska liðið gat með sigri farið langleiðina með að tryggja sig inn á Evrópumeistaramótið og eftir sigurinn í kvöld er þetta núna í okkar höndum.
Lestu um leikinn: Ísland 2 - 1 Austurríki
„Mikilvægur sigur og ótrúlega sátt með að við höfum tekið öll þrjú stigin. Mjög erfiðar aðstæður í dag en við vorum betra liðið og tökum þrjú stigin." Sagði Sveindís Jane Jónsdóttir eftir sigurinn í kvöld.
„Við vildum auðvitað hafa þetta þannig að við ráðum þessu sjálf. Við þurfum auðvitað að klára hina tvo leikina og þá erum við bara með EM sætið svo við erum í mjög góðri stöðu og erum mjög glaðar með þetta."
Veðrið spilaði stórt hlutverk hér á Laugardalsvelli í dag en það blés vel inni á vellinum.
„Ótrúlega erfitt. Ég veit ekki hvort að ég hafi spilað í svona veðri einhvertíman. Þetta var mesti vinur sem að ég hef spila í. Ég nátturlega kem úr Keflavík og ég fer bara beint inn í Reykjaneshöll þegar það kemur svona veður. Þetta voru erfiðar aðstæður og erfitt fyrir bæði lið. Ég held að þær hafi ekki verið rosalega ánægðar með þetta."
Sveindís var virkilega öflug í leiknum og vann ófáar barátturnar en henni fannst leikurinn erfiður.
„Mjög erfitt fyrir mig. Allavega í fyrri hálfleik var ekki mikið að gera hjá mér afþví að boltinn náðist bara varla yfir miðjulínuna þannig ég var ekki mikið í boltanum."
„í seinni hálfleik var ég meira að hlaupa á eftir boltanum því það var meðvindur og það var auðveldara að setja hann í svæði. Þetta var bara barátta allan tímann og mjög erfiður leikur fyrir mig fannst mér. Gott að við höfum náð tveimur mörkum inn og unnið þennan leik sem var ótrúlega mikilvægt. Alveg sama hvort það hafi bara verið barátta allan leikinn. Vonandi hjálpaði það liðinu að ég hafi kannski ekki verið mikið í boltanum en það voru aðrar sem tóku skref upp eins og Karó með tvær stoðsendingar og Hlín með mark og kemur inn í liðið og það er bara geggjað mark fyrir hana að skora og geggjað mark hjá Hildi líka."
Nánar er rætt við Sveindísi Jane Jónsdóttur í spilaranum hér fyrir ofan.
Lið | L | U | J | T | Mörk | mun | Stig |
---|---|---|---|---|---|---|---|
1. Þýskaland | 4 | 4 | 0 | 0 | 13 - 5 | +8 | 12 |
2. Ísland | 4 | 2 | 1 | 1 | 7 - 5 | +2 | 7 |
3. Austurríki | 4 | 1 | 1 | 2 | 7 - 7 | 0 | 4 |
4. Pólland | 4 | 0 | 0 | 4 | 3 - 13 | -10 | 0 |