Pálmi Rafn Pálmason kom þungbúinn í viðtal eftir 0-1 tap KR á Valsvellinum í kvöld.
Ég er mjög svekktur, þetta voru ekki úrslit sem við ætluðum að ná og ekki úrslit sem við áttum skilið. Það er alltaf hasar í leikjum Vals og KR og við bjuggumst alveg við því að þeir kæmu hart inn í hann og við bara mættum þeim þar.
Ég er mjög svekktur, þetta voru ekki úrslit sem við ætluðum að ná og ekki úrslit sem við áttum skilið. Það er alltaf hasar í leikjum Vals og KR og við bjuggumst alveg við því að þeir kæmu hart inn í hann og við bara mættum þeim þar.
Það var lítið sem skildi milli liðanna í kvöld.
Mér fannst við spila nægilega vel til að sækja sigur, við fáum fullt af góðum færum en þetta var 50/50 leikur og því miður féll þetta þeirra megin.
Tapið í kvöld, þýðir það að áhersla KR verður nú á bikarkeppnina?
Neineinei. Það er Evrópusæti líka í boði sem við ætlum að reyna að sækja og að miklu að keppa. Ég er ekkert heldur að sjá þetta Valslið fara ósigrað það sem er eftir af þessari deild en þetta er orðið langt fyrir okkur að sækja þetta.
Pálmi fékk gult spjald í blálokin fyrir að mótmæla kröftuglega störfum tríósins. Var hann ósáttur við þá?
Það er svo leiðinlegt að bögga þá, maður böggar þá nóg í þeim í leik þegar maður er með adrenalínið á fullu. Ég er orðinn rólegur og ekkert alltaf sanngjarn við þá en þetta gula spjald sem ég fékk í dag skil ég ekki. Ég æsti mig víst of mikið en ef ég á að fá gult spjald fyrir að æsa mig í leikjum þá verð ég helvíti oft í banni.
Nánar er rætt við Pálma í viðtalinu sem fylgir.
Athugasemdir
