Albert Hafsteinsson skoraði þrennu fyrir Fram í 4-3 sigri liðsins á Kórdrengjum í 10. umferð Lengjudeildarinnar í kvöld.
„Þetta var ótrúlegt sætt, sérstaklega eftir að hafa lent 2-3 undir. Þá fór maður að líða hálf illa en eftir að við urðum manni fleiri þá fannst mér þetta aldrei verið nein spurning og við tókum yfir leikinn," sagði Albert í viðtali eftir leik.
„Þetta var ótrúlegt sætt, sérstaklega eftir að hafa lent 2-3 undir. Þá fór maður að líða hálf illa en eftir að við urðum manni fleiri þá fannst mér þetta aldrei verið nein spurning og við tókum yfir leikinn," sagði Albert í viðtali eftir leik.
Lestu um leikinn: Fram 4 - 3 Kórdrengir
Staðan í hálfleik var jöfn 2-2 en Kórdrengir komust yfir 3-2 eftir sjö mínútur af seinni hálfleik. Stuttu síðar fékk síðan Davíð Þór Ásbjörnsson að líta rauða spjaldið hjá Kórdrengjum.
„Mér fannst við ekki eiga það skilið (að lenda undir). En maður var svosem aldrei stressaður yfir því. Það er svo mikil liðsheild og agi í okkar liði, við komum alltaf til baka," sagði Albert en Framarar jöfnuðu strax tveimur mínútum eftir að Kórdrengir urðu manni færri.
Albert var ánægður með þrennuna í kvöld.
„Ég var í rauninni vel staðsettur í teignum. Þetta var ekki nein glæsileg mörk en glæsilegt spil í aðdragandanum og ég var bara réttur maður á réttum stað."
Fram er komið með 28 stig á toppi deildarinnar og eru tíu stigum frá þriðja sætinu. Albert vildi þó ekki meina að þeir væru langt komnir með að tryggja sér sæti í deild þeirra bestu.
„Fyrri umferðin er ekki einu sinni búin. Menn verða að ná sér niður. Það er leikið þétt og við verðum að vera klárir strax aftur gegn Aftureldingu. Það er margt sem getur gerst, við verðum að halda svona áfram en þetta er langt í frá að vera komið," sagði þrennu maðurinn að lokum.
Athugasemdir