„Mér fannst þetta ver mjög gott í dag. Við hlupum út um allt, vorum tilbúnar í návígin og spiluðum góðan fótbolta. Þetta var bara mjög góður sigur.“ sagði Amanda Jacobsen Andradóttir, sóknarmaður Vals, eftir 2-0 sigur Vals á Víkingum í dag.
Lestu um leikinn: Víkingur R. 0 - 2 Valur
Valsliðið kláraði nánast leikinn í fyrri hálfleiknum með tveimur mörkum og silgdi þessu svo heim í seinni hálfleik.
„Við byrjuðum leikinn mjög vel sem var ótrúlega mikilvægt í dag.“
Amanda er mjög ánægð með byrjunina á mótinu.
„Það hefur byrjað fínt. Það er mikilvægt að við höfum unnið alla leiki nema einn og að liðið sé að spila vel. Ég er bara ágætlega sátt með mína frammistöðu.“
Amanda Andradóttir er á leiðinni frá Val en þetta staðfesti hún í viðtali eftir leik. Hún segir að það muni koma í ljós á næstu dögum hvert og hvenær hún fer.
„Þetta var líklega seinasti leikurinn minn fyrir Val í bili.“
Amanda er ánægð með hvernig liðið hefur spilað og er að halda sér í toppbaráttunni.
„Við erum búnar að spila vel og erum sáttar við okkur, við ætlum að halda því áfram.“ sagði Amanda Andradóttir að lokum.
Nánar er rætt við Amöndu í spilaranum hér að ofan.
