Man Utd gæti reynt við Pope - Arsenal vonar að Palace lækki verðið á Eze
FH skrifaði söguna - „Það verður bara veisla á Laugardalsvelli"
„Svolítið bras á okkur í fyrri hálfleik"
Venni: Þetta veðmál gékk upp í dag
Arnar: Maður getur ekki verið vondur þegar menn eru að reyna að gera réttu hluti
Gústi Gylfa: Á meðan við skorum ekki mörk þá endar þetta á verstan veg
Gunnar Heiðar: Litum við bara mjög vel út og mörkin frábær
„Erfitt að kyngja þessu og vera 'humble' og 'gracefull' því við áttum eitthvað skilið úr þessum leik"
Haraldur Freyr: Við stefnum klárlega á að komast í umspilið
Kári Kristjáns: Þjálfarinn í Danmörku hætti óvænt og smá kaos
Siggi gríðarlega ánægður með Affi: Búinn að sýna það sem við vonuðumst eftir
„Sennilega ógeðslegasta mark sem við höfum fengið á okkur"
Höskuldur: Ætlum ekki að bregðast við eins og krakki á N1 mótinu
Dóri Árna: Tökum þessum leik mjög alvarlega
Benedikt Warén: Það verður skemmtilegra að mæta á æfingar
Jökull: Mjög hissa ef það er hægt að færa rök gegn því
Magnús Már um rauða spjaldið - „Það litar leikinn svakalega mikið"
Bestur í Mjólkurbikarnum: Mætir bróður sínum í úrslitaleiknum
Heimsóknin - KFG og Víkingur Ó
Simon Tibbling: Mér líður pínu eins og við höfum unnið
Rúnar Kristins: Stálum kannski þessu eina stigi?
   mið 07. ágúst 2024 14:58
Guðmundur Aðalsteinn Ásgeirsson
Víkingsvelli
Úr botnliðinu í toppliðið - „Þýðir að ég hafi gert eitthvað rétt"
Tarik með Kára Árnasyni, yfirmanni fótboltamála hjá Víkingi.
Tarik með Kára Árnasyni, yfirmanni fótboltamála hjá Víkingi.
Mynd: Víkingur R.
Tarik er búinn að semja við Íslands- og bikarmeistara Víkings.
Tarik er búinn að semja við Íslands- og bikarmeistara Víkings.
Mynd: Víkingur R.
Tarik í leik með Vestra.
Tarik í leik með Vestra.
Mynd: Fótbolti.net - Hafliði Breiðfjörð
„Ég er mjög ánægður að vera hérna. Þetta tók nokkra daga en vonandi mun ég eiga góðan tíma hérna," segir Tarik Ibrahimagic, nýr leikmaður Íslands- og bikarmeistara Víkings, í samtali við Fótbolta.net.

Tarik mætti á sína fyrstu æfingi með Víkingi í dag eftir að hafa gengið formlega í raðir félagsins í gær.

Tarik er 23 ára danskur miðjumaður sem gekk í raðir Vestra síðasta sumar og hjálpaði liðinu að vinna sér sæti í Bestu deildinni.

Hann var algjör lykilmaður hjá Vestra og vildi félagið ekki missa hann, en það gat ekkert gert þegar klásúla í samningi hans var virkjuð og tækifæri til að spila með toppliðinu stóð til boða. Hann var samningsbundinn Vestra út tímabilið.

Valur virkjaði einnig klásúluna en hann valdi að ganga í raðir Víkings.

„Það er ekkert leyndarmál að það var annað félag inn í myndinni og fleiri félög gerðu tilboð sem voru samþykkt. Ég þurfti að hugsa um hvað ég ætti að velja. Ég tel að Víkingur spili besta fótboltann á Íslandi. Þeir eru að berjast um báða titla og um að komast í riðlakeppni í Evrópu. Að fá að spila á stærsta sviðinu er eitthvað sem ég hef metnað um að gera."

Hann segist hafa frétt af áhuga frá Víkingi fyrir um tíu dögum síðan en þetta hafi gerst nokkuð fljótt eftir það.

„Það voru fleiri félög inn í myndinni en ég valdi á endanum Víking," segir Tarik. „Áhuginn þýðir að ég hafi gert eitthvað rétt frá því ég kom fyrir einu ári í Lengjudeildina. Það var markmiðið að komast á toppinn og ég ætla mér enn lengra. Ég er ánægður að taka þetta skref núna."

Ég skulda þeim mikið
Hann er þakklátur fyrir tíma sinn hjá Vestra. Hann fékk þar tækifæri til að koma ferlinum aftur af stað eftir að hafa verið ákveðin barnastjarna í Danmörku. Hann spilaði meðal annars fyrir U19 landslið Danmerkur á sínum tíma.

„Ég vissi alltaf að ég hefði þetta í mér. Ég er með gæði og ég hef trú á sjálfum mér. Auðvitað varð ég að sýna það. Ég tel mig hafa sýnt það á einum erfiðasta staðnum á Íslandi. Ef þú spáir í veðrinu og aðstöðunni, þá er þetta erfiður staður. Það var ís á vellinum fram í apríl. Hausinn var kaldur og ég lagði mikið á mig. Þá vissi ég að gæðin myndu sjást," segir Tarik.

„Vestri er magnað félag og fólkið er magnað þar. Ég skulda þeim mikið. Þau gáfu mér tækifæri til að standa mig í Bestu deildinni á Íslandi. Ég fékk sjálfstraustið aftur. Davíð Smári hjálpaði mér mikið. Ég þroskaðist líka sem manneskja. Davíð og Sammi hafa verið frábærir fyrir mig."

„Ég óska Vestra alls hins besta. Þeir reyndu að sannfæra mig um að vera áfram en ég held að þeir hafi vitað að það væri ómögulegt þegar þetta kom upp. Ég varð að taka þetta skref," segir Tarik en hann segir að kaflinn hjá Vestra hafi verið sér mikilvægur og hjálpað til við að koma ferlinum aftur af stað. Hann vonast til að Vestri haldi sér uppi en liðið er á botni Bestu deildarinnar. Víkingur er á toppi deildarinnar.

Hægt er að sjá allt viðtalið í spilaranum hér að ofan.
Athugasemdir
banner
banner
banner