David Raya
Tottenham fylgist grannt með markverði Brentford, David Raya, en liðið er að leita að markverði til að taka við keflinu af Hugo Lloris, fyrirliða liðsins.
Lloris er orðinn 36 ára gamall en hann hefur verið hjá Spurs frá árinu 2012. Hann er farinn að gera fleiri mistök í markinu en áður en hann skrifaði samt undir tveggja ára framlengingu á samningi sínum í fyrra.
Samkvæmt The Telegraph, er Raya númer eitt á lista hjá Tottenham yfir markverði og er félagið að skoða það að fá Raya strax næsta sumar.
Talið er að Tottenham sé ekki að leitast eftir markverði strax í janúar mánuði en Antonio Conte ætlar að treysta á Lloris út þessa leiktíð.
Jordan Pickford, markvörður Everton, hefur einnig verið nefndur til sögunnar sem næsti markvörður Tottenham.
Athugasemdir
