Ítalía: Gríðarlega mikilvægir sigrar hjá Atalanta og Verona

Atalanta sem er í baráttu um Evrópusæti lenti undir gegn Bologna í fyrri hálfleik. Teun Koopmeiners kveikti í liðinu strax í upphafi síðari hálfleik þegar hann jafnaði metin með mögnuðu skoti.

Rasmus Hojlund tryggði liðinu sigur með marki eftir tæplega klukkutíma leik.

Atalanta fór upp fyrir Roma í 6. sæti deildarinnar en Lazio er í sætinu fyrir ofan. Öll liðin með jafn mörg stig.

Darko Lazovic var hetja Verona þegar hann skoraði bæði mörkin í 2-0 sigri liðsins í botnbaráttuslag gegn Cremonese. Verona fór úr botnsætinu upp í 18. sæti og er sex stigum frá öruggu sæti.

Liðið sendi Cremonese á botninn með 7 stig.