“Soldið svekkjandi. Við sáum í dag að við eigum alveg fullan séns í þessar stelpur. Vorum aðeins óöruggar þarna í byrjun, og erfitt að halda í hann og eitthvað smá stress. En um leið og við fórum að spila okkar leik og færa okkur aðeins ofar á völlinn, sérstaklega í seinni hálfleik þá sáum við það alveg að við getum unnið þessar stelpur og við ætlum bara að gefa 100% í leikinn í næstu viku,” sagði Katrín Ásbjörnsdóttir, fyrirliði Stjörnunnar, eftir svekkjandi tap gegn tékkneska liðinu Slavia Prag í 16-liða úrslitum Meistraradeildarinnar í kvöld.
Lestu um leikinn: Stjarnan 1 - 2 Slavia Prag
Var ekki erfitt að undirbúa sig fyrir leikinn vitandi lítið um lið mótherjanna?
“Já og nei, við vissum náttúrulega meira um þessar stelpur heldur en Rossyanka til dæmis og margar þarna spiluðu með tékkneska landsliðinu fyrir um mánuði síðan. Þannig að við vissum svona alveg þónokkuð um þær og þær eru náttúrulega líkamlega sterkar og með góða leikmenn fram á við en það eru veikleikar í vörninni hjá þeim sem við þurfum að nýta okkur betur. Sáum það alveg um leið og við fórum að pressa þær að þá voru þær hikandi og eins með markmanninn þeirra þannig að við bara þurfum að færa okkur ofar í næstu viku.”
Stjörnustelpur fengu dæmt á sig víti nánast strax eftir að þær höfðu náð að jafna leikinn en hvernig horfir Katrín á það?
“Svona er bara fótboltinn en við þurfum bara að halda áfram og gleyma þessu augnabliki og koma bara meira fókuseraðar í næsta leik.”
Viðtalið við Katrínu má sjá í heild sinni í spilaranum hér fyrir ofan.
Athugasemdir