Afturelding heimsóttu Kórdrengi í Safamýrina fyrr í dag, leikar enduðu 4-0 fyrir Kórdrengjum, Magnús Már var ekki ánægður með frammistöðu liðsins og fannst liðið vera ólíkt sjálft sér í dag.
Lestu um leikinn: Kórdrengir 4 - 0 Afturelding
„Mér fannst við vera betri fyrsta hálftímann og áttum að komast yfir þar en gerðum það ekki, eftir það vorum við ekki góðir það var ekki flóknara en það. En lokatölurnar fullstórar miðað við gang leiksins mér fannst við fá færi til að skora og óþarfi að láta þá skora 4 mörk. Þetta var ekki líkt okkur, sérstaklega í seinni hálfleik það er eitt af því slakasta sem ég hef séð."
Marciano Aziz var í liði ársins í Lengjudeildinni hjá fótbolta.net en hann er farinn aftur til baka til K.A.S. Eupen í Belgíu.
„Við gerðum semsagt lánssamning við K.A.S. Eupen að hann myndi fara áður en glugginn lokaði í Belgíu sem var núna í vikunni. Þannig hann fór eftir síðasta leik, við hefðum mögulega getað haldið honum lengur hefðum við verið í barráttu í að fara upp um deild því miður náðum við því ekki. Vonandi sjáum við hann aftur í Mosfellsbæ á næsta ári, það er ekkert sem segir að það gæti ekki gerst."
Viðtalið má sjá í heild sinni hér að ofan.
