Bandaríska félagið Columbus Crew er bandarískur deildarmeistari í þriðja sinn í sögu félagsins eftir að það vann Los Angeles FC, 2-1, í úrslitum MLS-bikarsins í gær.
MLS-bikarinn er úrslitakeppni deildarinnar og komst Columbus Crew þangað með því að hafna í 3. sæti Austur-deildarinnar.
Crew vann Atlanta United í fyrstu umferð, kláraði Orlando í undanúrslitum Austur-deildarinnar áður en það hafði betur gegn Cincinnati í úrslitum.
Í gær mættust síðan sigurvegarar Austur- og Vesturstrandar Bandaríkjanna.
Cucho Hernandez og Yaw Yeboah skoruðu tvö mörk á fjórum mínútum seint í fyrri hálfleik. Denis Bouanga minnkaði muninn stundarfjórðungi fyrir leikslok, en LAFC komst ekki lengra.
Columbus varð því meistari í þriðja sinn í sögunni, en síðast vann það fyrir þremur árum.
Kristinn Steindórsson, leikmaður Breiðabliks, var á mála hjá Crew árið 2015 og spilaði þá 21 leik með liðinu.
YOUR 2023 MLS CUP CHAMPIONS ???? pic.twitter.com/j8xsfMMZiW
— The Crew (@ColumbusCrew) December 9, 2023
Athugasemdir
