Átjánda umferð Bestu deildar karla hefst í dag klukkan 14:00 þegar Víkingar taka á móti Vestra á heimavelli hamingjunnar hér í Víkinni.

Stund milli stríða fyrir heimamenn sem eru í miðju Evrópueinvígi gegn Flora Tallinn en mega þó ekki slaka á hér heima fyrir þar sem þeir sitja á toppi deildarinnar og geta með sigri haldið sig í smá fjarlægð frá liðunum í kring. 

Vestri geta lyft sér upp úr fallsæti með stigi hér í dag og vonast væntanlega til þess að hugur heimamanna sé við önnur verkefni og ætla sér að notfæra sér það til að lyfta sér ofar í töfluna.