Tyrkneski miðjumaðurinn Arda Turan hefur verið dæmdur í skilorðsbundið fangelsi í tvö ár og átta mánuði í heimalandi sínu.

Turan mun ekki þurfa að sitja inni ef hann kemst ekki í kast við lögin næstu fimm árin.

Hinn 32 árs gamli Turan er dæmdur fyrir atvik í fyrra. Hann lenti þá í slagsmálum við söngvarann Berkay Sahin á skemmtistað í Istanbul.

Turan nefbraut Sahin í slagsmálum og fór síðan á sjúkrahús þar sem hann skaut byssuskotum út í loftið.