Guðni Eiríksson þjálfari FH
„Glaður að taka þrjú stig. Glaður hvernig leikmenn svöruðu fyrri hálfleik með seinni hálfleik. Mörk bara eins og í handboltaleik og FH liðið ólíkt sjálfu sér í föstum leikatriðum. Vissulega vantaði fyrirliða liðsina (Örnu Eiríksdóttur) en hún á ekki að skipta svona miklu máli í föstum leikatriðum", sagði Guðni Eiríksson þjálfari FH um sín fyrstu viðbrögð við sannkölluðum markaleik þegar FH sigraði Þór/KA 5-3.
Fyrri hálfleikur bauð heldur betur upp á flugeldasýningu og bæði lið skoruðu þrjú mörk hvor og staðan 3-3 í hálfleik. Öll þrjú mörkin sem gestirnir frá Akureyri skoruðu komu úr föstum leikatriðum sem er heldur óvenjulegt fyrir FH í sumar.
Engu að síður tókst liðinu að þétta varnarleikinn í seinni hálfleik og skrifa jafnfram nýtt blað í sögu FH kvenna með því að brjóta 30 stiga múrinn í fyrsta sinn í sögunni.
„Við vorum að skrifa söguna í dag þar sem við vorum að brjóta 30 stiga múrinn og það hefur FH aldrei gert nokkurn tímann. Þannig að við höldum áfram að skrifa söguna á þessu tímabili"
Fyrri hálfleikur bauð heldur betur upp á flugeldasýningu og bæði lið skoruðu þrjú mörk hvor og staðan 3-3 í hálfleik. Öll þrjú mörkin sem gestirnir frá Akureyri skoruðu komu úr föstum leikatriðum sem er heldur óvenjulegt fyrir FH í sumar.
Engu að síður tókst liðinu að þétta varnarleikinn í seinni hálfleik og skrifa jafnfram nýtt blað í sögu FH kvenna með því að brjóta 30 stiga múrinn í fyrsta sinn í sögunni.
„Við vorum að skrifa söguna í dag þar sem við vorum að brjóta 30 stiga múrinn og það hefur FH aldrei gert nokkurn tímann. Þannig að við höldum áfram að skrifa söguna á þessu tímabili"
Lestu um leikinn: FH 5 - 3 Þór/KA
Fyrirliði liðsins Arna Eiríksdóttir missti af sínum öðrum leik í röð en hún meiddist í upphitun fyrir síðasta leik gegn FHL. FH liðið saknaði hennar gríðarlega í föstum leikatriðum þar sem Arna er feykilega sterk og jafnvel sú allra sterkasta í Bestu deildinni.
En hvernig er heilsan hjá henni?
„Hún er bara góð þannig séð. Hún fékk streng í lærið í upphitun fyrir austan á laugardaginn. Við tókum enga sénsa með hana í dag og hvíldum hana. Hún verður klár á laugardaginn", sagði Guðni og var hér að vísa í úrslitaleik Mjólkurbikarsins næsta laugardag gegn Breiðablik.
Thelma Lóa Hermannsdóttir var án efa besti leikmaðurinn hér í kvöld og skellti í þrennu og eina stoðsendingu. Þrennan er sú fyrsta á ferlinum og FH liðið þurfti svo sannarlega á öllum mörkunum hennar að halda.
„Hún var bara frábær í dag. Það er eitthvað Hemmi og Ragna Lóa maður, það er eitthvað í blóðinu hjá þeim sem gerir það að verkum að þau eiga frábærar dætur í fótbolta"
Athugasemdir
