Helgi Valur Daníelsson á 40 ára afmæli í dag. Þessi elsti leikmaður Pepsi Max-deildarinnar fékk afmælisgjöfina sem hann óskaði sér því Fylkir vann mikilvægan 2-1 sigur gegn KA.
Lestu um leikinn: Fylkir 2 - 1 KA
„Við áttum það inni að taka svona ljótan sigur," sagði Helgi eftir leikinn. Fylkir náði að lyfta sér frá fallsætinu með tæpum sigri en KA var gríðarlega nákægt því að jafna í lokin en boltinn fór í stöngina.
„Þeir áttu tvö stangarskot en við hefðum getað skorað fleiri líka, það hefðu getað verið fleiri mörk í leiknum en þetta féll með okkur nuna."
„Þetta gekk ekki upp gegn HK en það var mikilvægt að fá leik svona strax aftur og komast á beinu brautina. Við þurfum að halda áfram, við erum alls ekki orðnir öruggir og megum ekki slaka á."
Hvernig ætlar hann að nýta restina af afmælisdeginum?
„Það verður eitthvað rólegt. Einn fínn bjór heima og kíkja á sjónvarpið. Það er ekki mikil spenna í mínu lífi," sagði Helgi brosandi að lokum.
Athugasemdir
