Norðmenn eiga eftir að spila síðustu tvo leiki Þjóðadeildarinnar, útileiki gegn Rúmeníu og Austurríki. Þetta eru gífurlega mikilvægir leikir fyrir landsliðið sem er í harðri baráttu við Austurríki um efsta sæti riðilsins í B-deild. Efsta sætið gefur þátttökurétt í úrslitakeppni um sæti á HM 2022.

Sigur í síðustu tveimur leikjunum myndi því gera Norðmönnum kleift að berjast um sæti á HM, auk þess að fleyta liðinu upp um deild í Þjóðadeildarkerfinu.

Norska knattspyrnusambandið hefur sent bréf til heilbrigðisráðherra þar sem hann er beðinn um að endurskoða málið. Í bréfinu er m.a. útskýrt fyrir heiblrigðisráðherra hvernig landsliðshópurinn mun takmarka smithættu í ferðalaginu og þá er gert grein fyrir afleiðingunum fyrir landsliðið og norska knattspyrnusambandið ef leikirnir tveir verða gefnir.

Norska landsliðið ætlar að fylgja reglum UEFA og gera allt í sínu valdi til að mæta til leiks.