„Við höfum oft verið betri en í fyrri hálfleik,'' segir Ómar Ingi Guðmundsson, þjálfari HK, eftir 2-1 sigur gegn Vestra í lokaumferð Lengjudeildarinnar.
Lestu um leikinn: HK 2 - 1 Vestri
„Undir lok fyrri hálfleiks var kominn smá andi inn í okkur og svo í seinni hálfleik vorum við í sókn allan tímann fannst mér. Ég var aðeins farinn að hafa áhyggjur hvort þetta væri einn af þeim dögum sem þú gætir spilað allan daginn ánn þess að fá mark, en mjög kærkomið að vinna síðasta leik mótsins og þá heima.''
„Það var gífurlega mikið léttir þegar Örvar skorar. Vestri er með hörku lið og eina liðið sem við vorum ekki búnir að vinna gegn í sumar. Að fá þá hérna á heimavelli og síðasti leikur, við vorum allir á því að hér skyldum við labba út með þrjú stig.''
Ómar Ingi var spurður út í hvort hann hafi áhuga að þjálfa HK sem aðalþjálfari fyrir næsta tímabil.
„Já, samtalið hefur verið að klára fyrst þetta tímabil og undirbúa það næsta sama tíma. Það er alveg á hreinu að ég mun þjálfa meistaraflokk HK á næsta ári, en það á aðeins eftir að klára að teikna upp í hvaða formi það verður nákvæmlega í endanum,''
Ómar segir svo í lokinn að ef hann fengi það boð um að taka við sem aðalþjálfari HK fyrir næsta tímabil, þá segirmyndi hann taka því.
Hægt er að horfa á viðtalið í heild sinni hér fyrir ofan.