„Það er svekkelsi. Við ætluðum okkur sigur í dag," sagði Kjartan Stefánsson, þjálfari Fylkis, eftir 1-0 tap gegn Selfossi í undanúrslitum Mjólkurbikarsins í kvöld.
Lestu um leikinn: Fylkir 0 - 1 Selfoss
„Þær fá bara þetta mark. Við héldum á boltanum og rúllum honum út. Þær stela útkasti markvarðar og ná að stinga sér inn og skora. Við björgum vissulega einu sinni á línu, en við áttum líka okkar færi."
Grace Rapp skoraði eina mark leiksins á 75. mínútu. Markið kom eftir mistök hjá hinni efnilegu Cecilíu í marki Fylki.
„Hún er ungur markvörður og gerir mistök. Hún stóð sig vel í leiknum og við verðum að taka það inn. Það er oft þetta sem veldur að maður tapar leikjum, svona einstaklingsmistök. Hún er oft búin að standa sig frábærlega og vonandi lærir hún af þessu," sagði Kjartan.
„Ég hefði viljað sjá okkur betri í sóknarleiknum. Ég hefði viljað sjá okkur halda boltanum betur niðri og vera beittari í sóknarleiknum. Gæðalega vorum við ekki nógu góðar á síðasta þriðjungnum."
Viðtalið er hér að ofan.
Athugasemdir