Xavi Simons hefur komið að 13 mörkum í 25 leikjum með Leipzig á tímabilinu.
Sky Sports greinir frá því að Manchester United sé á höttunum eftir nýjum framherja í sumar.
Þar eru nafnarnir Viktor Gyökeres og Victor Osimhen efstir á óskalistanum, en Rauðu djöflarnir eru með fleiri nöfn á lista hjá sér.
Benjamin Sesko og Hugo Ekitike koma einnig til greina og eru falir fyrir um 80 milljónir evra í sumar. Sesko er hjá RB Leipzig og Ekitike hjá Eintracht Frankfurt.
Þar að auki vill Rúben Amorim kaupa sóknartengilið og eru tveir ungir leikmenn efstir á þeim lista.
Xavi Simons, sem er samherji Sesko hjá Leipzig, er þar í uppáhaldi ásamt Kenan Yildiz, bráðefnilegum sóknarleikmanni JUventus. Þeir eru einnig falir fyrir um 80 milljónir evra í sumar.
Athugasemdir
