Leikurinn fer fram á Elland Road, heimavelli Leeds, en þegar heimamenn gengu inn á völlinn hélt Liam Cooper, fyrirliði þeirra, á spjaldtölvu.

Í tölvunni var ungur aðdáandi, Elliot Metcalfe, sem hafði átt þann draum að ganga út á völlinn með liðinu. Hann fékk að vera með liðinu þegar það gekk út á völlinn með töfrum tækninnar.

Ellot er með krabbamein en hann fékk ósk sína uppfyllta í dag fyrir leikinn gegn Arsenal.

Frábærlega gert hjá Leeds en hér að neðan má sjá myndband af þessu.