„Svekktur eins og eftir öll jafnteflin í sumar. Sérstaklega hérna á heimavelli vil ég fá öll þrjú stigin. Það er aðeins auðveldara að kyngja jafnteflinu eftir að hafa lent undir," sagði Almarr Ormarsson, fyrirliði og markaskorarari KA, eftir jafntefli gegn HK.

Lestu um leikinn: KA 1 -  1 HK

Jafnteflin eru orðin tíu talsins á leiktíðinni. Hvað þarf KA að gera til að breyta þessu í sigra?

„Skora fleiri mörk, skapa fleiri og betri færi. Það hefur verið akkilesarhæll okkar í sumar. Mér finnst við alltaf vera líklegri og líklegri."

Hvað fannst Almari sitt lið gera vel í leiknum?

„Við héldum boltanum vel og mér fannst við færa boltann nokkuð hratt milli kanta. Við stóðum vaktina vel gegn þeirra skyndisóknum, það er það sem ég er sáttur með."

Almarr jafnaði leikinn með frábæru skoti með vinstri fæti utan teigs. Hann hikaði ekkert þegar boltinn féll til hans?

„Nei nei, smá meðvindur og ég er með allt í lagi vinstri fót. Yfirleitt er hann ekki svona góður en það var ekkert annað í stöðunni en að reyna hitta á markið og það tókst sem betur fer. Eftir markið er maður temmilega sáttur með sjálfan sig."

Nánar er rætt við Almarr í spilaranum hér að ofan.

STUÐNINGSSVEIT
FÓTBOLTA.NET

Okkur er full alvara!

Umfjöllun síðustu daga hefur Fótbolti.net sýnt að við ætlum að bæta í umfjöllun um fótbolta.

Okkur er full alvara með það!

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit