Messi heimsækir gamla heimavöll Maradona á Ítalíu en Maradona spilaði í sjö ár með Napoli og vann deildina þar tvisvar og UEFA-bikarinn einu sinni.

Hann kom til Napoli frá Barcelona en nú fær Messi lok tækifæri til að spreyta sig gegn Napoli á San Paolo leikvanginum.

„Ég vona að hann eigi slæman leik," sagði Maradona sem þjálfaði Messi hjá argentínska landsliðinu.

Fjölmiðlar hafa ítrekað verið að bera þá tvo saman en Maradona neitaði að taka þátt í þeirri umræðu.

„Það er búið að bera okkur saman í 20 ár eða eitthvað og hverju hefur það skilað? Ég á frábærar minningar af Messi frá því ég var þjálfari Argentínu. Það var gaman að horfa á hann á æfingum og í leikjum," sagði hann ennfremur.

Hann ræddi þá þann orðróm um að Messi myndi yfirgefa Barcelona í sumar en hann segir engar líkur á að það gerist.

„Barcelona er náttúrulega umhverfið hans. Hann byrjaði þar og hann mun enda ferilinn þar," sagði hann í lokin.