Joan Laporta, forseti Barcelona, segir að 'kafla' Lionel Messi (35) hjá Barcelona sé ekki lokið. Ellefu mánuðir eru síðan Argentínumaðurinn yfirgaf Börsunga eftir 21 árs dvöl hjá félaginu og gekk í raðir Paris St-Germain. (ESPN)

Barcelona hefur ekki tekið neinum tilboðum í hollenska miðjumanninn Frenkie de Jong (25) sem hefur verið sterklega orðaður við Manchester United. (ESPN)

United íhugar að gera tilboð í serbneska miðjumanninn Sergej Milinkovic-Savic (27) hjá Lazio sem varakost fyrir De Jong. (Calciomercato)

Liverpool skoðar hvort félagið eigi að taka 19,5 milljóna punda tilboði frá Juventus í brasilíska framherjann Roberto Firmino (30). (Tuttomercato)

Tottenham er reiðubúið að selja franska miðjumanninn Tanguy Ndombele (25) fyrir rétt verð. Galatasaray hefur áhuga á leikmanninum. (Media Foot)

Juventus er einnig með franska sóknarmanninn Anthony Martial (26) á óskalistanum en Manchester United hefur ekki í hyggju að selja hann. (Mirror)

Franski miðvörðurinn Jules Kounde (23) hjá Sevilla er reiðubúinn að semja við Barcelona. (Fabrizio Romano)

Chelsea gæti komið í veg fyrir að Barcelona fái Cesar Azpilicueta (32) ef félagið 'rænir' áætlunum félagsins um að krækja í Kounde. (Mail)

Arsenal hefur staðfest áhuga á Lucas Paqueta (24) hjá Lyon en hefur ekki gert formlegt tilboð í brasilíska landsliðsmiðjumanninn. (Times)

Arsenal hefur hafnað 7 milljóna punda tilboði, með möguleika á 3 milljónum til viðbótar, í þýska markvörðinn Bernd Leno (30) sem hefur gert munnlegt samkomulag við nýliðana. (CBS Sports)

Newcastle United og Everton leggja aukið kapp á að fá Armando Roja (20) frá Chelsea eftir að West Ham hætti að eltast við albanska sóknarmanninn. (i Sport)

West Ham undirbýr tilboð í sóknarmanninn Ben Brereton Díaz (23), Sílemanninn hjá Blackburn. (Sun)

Nottingham Forest vill fá Maxwel Cornet (25), vængmann Burnley. Fulham og Everton hafa einnig áhuga á Fílabeinsstrendingnum. (Athletic)

Newcastle mun reyna að fá enska vængmanninn Dwight McNeil (22) frá Burnley ef Leeds United neitar að lækka 35 milljóna punda verðmiðann á Jack Harrison (25). (Sun)

Paris St-Germain hefur komist að samkomulagi við RB Leipzig um 13 milljóna punda lánssamning á franska varnarmanninum Nordi Mukiele (24). (Mail)

Manchester United hefur áhuga á slóvenska framherjanum Benjamin Sesko (19) hjá Red Bull Salzburg. (Fabrizio Romano)

Fulham er að klára 6,4 milljóna punda kaup á svissneska hægri bakverðinum Kevin Mbabu (27) frá Wolfsburg. (Mail)

Patrick Vieira, stjóri Crystal Palace, hyggst ekki lána enska vængmanninn Malcom Ebiowei (18) í sumar. Hann kom til félagsins frá Derby. (Fabrizio Romano)