„Mér líður hrikalega vel. Frábær sigur hjá mínu liði, mér fannst við hafa sýnt það og sannað hversu góðir við erum." sagði Baldvin Már Borgarsson, aðstoðarþjálfari Ægis eftir dramatískan 1-0 sigur á Fylki og er liðið komið áfram í 8-liða úrslit Mjólkurbikarsins.
„Þetta var virkilega skemmtilegur leikur. Bæði lið fengu mjög góð færi til að klára leikinn og skora mörk. Leikurinn hefði alveg hæglega getað farið 3-2 í aðra áttina, tvö góð lið að reyna spila góðan fótbolta."
Lestu um leikinn: Ægir 1 - 0 Fylkir
„Það var jafnræði með liðunum í fyrri hálfelik, bæði lið fengu góða sénsa síðan heyrði ég Rúnar aðeins garga á sína menn aðeins í hálfleik og þeir komu bara gíraðir út í síðari hálfleikinn og herjuðu aðeins á okkur en við náðum að vinna okkur aftur inn í leikinn. Við fáum frábært tækifæri undir lok leiks til að klára þennan leik."
Ægir töpuðu í vikunni á móti Njarðvík 6-0 í deildinni og var Baldvin Már Borgarsson aðstoðarþjálfari Ægis ánægður með að ná að svara fyrir það tap á móti Fylki.
„Þetta er frábært svar. Strákarnir vita það sjálfir að við mættum ekki til leiks í fyrri hálfleik í Njarðvík og vorum verðskuldað 4-0 undir þar og það er erfitt að fara í Njarðvík og leyfa þeim að byrja leikinn í 4-0 og við vorum í vandræðum með að vinna það til baka í síðari hálfleiknum en að ná að svara því í dag með að vinna Fylki er bara í rauninni eins gott og það verður."
Viðtalið í heild sinni má sjá í sjónvarpinu hér að ofan.