Sigurður Ragnar Eyjólfsson
„Þetta var svona týpískur klukkan tvö leikur þar sem við vorum ekki alveg vaknaðir nógu vel í fyrri hálfleiknum en samt 1-0 yfir. Við gáfum svo sem ekki mörg færi á okkur en ræddum það í hálfleik að við þyrftum að spýta í lófanna enda Vestri með gott lið og við vissum að við þyrftum að vera á tánum og gera betur í seinni hálfleik.“
Sagði Sigurður Ragnar Eyjólfsson annar af þjálfurum Keflavíkur eftir 4-1 sigur hans pilta á Vestra.
Sagði Sigurður Ragnar Eyjólfsson annar af þjálfurum Keflavíkur eftir 4-1 sigur hans pilta á Vestra.
Lestu um leikinn: Keflavík 4 - 1 Vestri
Keflavík komst yfir snemma leiks en eftir markið bakkaði liðið fullmikið og stjórnaði Vestri umferðinni það sem eftir lifði hálfleiks. Fannst Sigurði markið setja hans menn niður á hælanna?
„Já það er kannski stundum svoleiðis ef maður skorar snemma í leik að það kemur slugs á mannskapinn en ég held að það hafi meira verið það að það er búið að spila mikið af leikjum, held að þetta sé sjötti leikurinn á 23 dögum og við erum búnir að keyra mikið á sama mannskap. Við höfum verið í töluverðum meiðslum með lykilmenn þannig að kannski sat smá þreyta i okkur.“
En þrátt fyrir að Vestri hafi stýrt spilinu stóran part leiksins hafði Keflavík eins og áður sagði 4-1 sigur.
„Við kláruðum verkefnið vel og ég var ánægður með liðið í heild sinni í dag. Skoruðum frábær mörk og maður getur ekki kvartað yfir liðinu sínu þegar það skorar fjögur mörk. Við erum búnir að skora 25 í sumar sem er bara geggjað í 8 leikjum. Svo við erum með yfir 3 mörk að meðaltali í leik og það er bara snilld. “
Sagði Sigurður en allt viðtalið má sjá hér að ofan.
Athugasemdir
