„Stoltur og ánægður. Við vorum að hlaupa, hlaupa, hlaupa út um allan völl. Berjast, berjast og berjast. Eins einfaldur fótbolti og hægt er. Sparka honum fram á vallarhelming andstæðingsins og reyna valda einhverjum vandræðum þar,“ sagði Andri Hjörvar Albertsson, þjálfari Þór/KA eftir 2-1 sigur liðsins á FH fyrr í dag.
Lestu um leikinn: FH 1 - 2 Þór/KA
„Nei nei, kannski var þetta bara sanngjarnt í hálfleik. Við vorum ekkert að fókusa hvað væri sanngjarnt í hálfleik. Bara fókusa á að halda áfram og kýla þetta áfram,“ sagði hann um hvort lið hans hefði verðskuldað að vera yfir í hálfleik.
Spurður um hversu mikilvægt hefði verið að klára þennan leik, vitandi að tveir leikir í viðbót gegn liðunum í kringum Þór/KA væru á dagskrá sagði hann: „Að sjálfsögðu er gott að taka stig af liðunum í kringum okkur. En það er galið að segja það en það er bullandi séns fyrir KR, FH og fleiri að hýfa sig upp töfluna. Þetta er það galið mót orðið að það skilur stutt á milli. “
Athugasemdir
