„Þetta er hundfúlt," segir Natasha Moraa Anasi, fyrirliði Breiðabliks, eftir tapið gegn Val í úrslitaleik Mjólkurbikars kvenna í kvöld.
„Fyrri hálfleikurinn var mjög góður hjá okkur. Við náðum að gera það sem við vildum gera. Seinni hálfleikur var aftur á móti ekki nægilega góður og þær refsa okkur fyrir það."
„Fyrri hálfleikurinn var mjög góður hjá okkur. Við náðum að gera það sem við vildum gera. Seinni hálfleikur var aftur á móti ekki nægilega góður og þær refsa okkur fyrir það."
Lestu um leikinn: Breiðablik 1 - 2 Valur
„Það var mikil stemning í okkar liði þegar við fórum inn í klefa en svo kemur markið þeirra og við dettum aðeins niður við það. Það var basl hjá okkur eftir það."
„Eins og þú þekkir þá er búin að vera mikil hreyfing á okkar liði og við höfum spilað á alls konar liðum í sumar, en það hafa allir stigið vel upp. Það vantaði kannski að tengjast aðeins meira. Við getum pottþétt lagað þetta."
Það hafa verið sögur á kreiki um að Brann, sem er eitt besta liðið í Noregi, hafi áhuga á því að fá Natöshu í sínar raðir.
„Það hefur verið einhver umræða um það en núna er ég í Breiðabliki og að einbeita mér að því," sagði Natasha sem hefur áður komið inn á það að hún sé mjög ánægð í herbúðum Blika.
Allt viðtalið er í spilaranum hér fyrir ofan.
Athugasemdir