Þjálfarar og fyrirliðar liða í Bestu deildinni voru mættir á kynningarfund fyrir mótið í dag sem hefst eftir tæpar tvær vikur, á annan í páskum.
Rúnar Kristinsson og Kennie Chopart voru mættir fyrir hönd KR en fótbolti.net ræddi við Rúnar sem sagði frá því að tveir leikmenn muni skipta með sér fyrirliðastöðunni.
„Við leitum í reynsluna, Kennie er búinn að vera lengst hjá okkur og Emmi (Theodór Elmar Bjarnason) með alla sína reynslu og sinn aldur og ofboðslega flottur leiðtogi liðsins og félagsins og mikill fagmaður í öllu því sem hann gerir," sagði Rúnar.
Chopart hefur verið lykilmaður hjá KR síðan hann gekk til liðs við félagið árið 2016. Theoór Elmar er uppalinn KR-ingur en hann snéri aftur í herbúðir félagsins árið 2021 eftir 17 ár í atvinnumennsku.
Pálmi Rafn Pálmason var fyrirliði liðsins síðasta sumar en hann lagði skóna á hilluna eftir það tímabil.