Arnar Gunnlaugsson þjálfari Víkinga byrjaði á að hrósa Leiknismönnum eftir fyrsta tap sinna manna á tímabilinu, 1-2 á Leiknisvelli.
Vill byrja á að óska Leiknismönnum til hamingju, þeir voru flottir! Börðust vel, lögðu mikið í leikinn og sýndu mikið og gott hjarta. Mjög flott hjá þeim!
Vill byrja á að óska Leiknismönnum til hamingju, þeir voru flottir! Börðust vel, lögðu mikið í leikinn og sýndu mikið og gott hjarta. Mjög flott hjá þeim!
Í aðdraganda annars marks Leiknis var Arnar mjög ósáttur á hliðarlínunni með að Erlendur dómari hefði beitt hagnaðarreglunni þegar virtist brotið á hans manni áður en heimamenn unnu boltann og fóru upp til að fiska vítið.
Það skiptir litlu máli hvað ég segi núna en ég held að allir hafi séð að það var brotið á okkur. En ókei, þeir brutust upp í skyndisókn og það var ýmislegt eftir hjá þeim, svo það hefur verið eitthvað að í varnarfærslunni okkar þar.
Arnar talaði um það fyrir mót að liðið sitt yrði að vera tilbúið til að sækja stig á völlum eins og í Breiðholtinu, eru hans menn að bregðast í pressuaðstæðum?
Einhverra hluta vegna náum við að gíra liðið okkar upp í stóru leikina og í sumar höfum við verið að tapa stigum gegnum þessum svokölluðu litlu liðum og þetta er áhyggjuefni. Erfiðasta stigið í fótbolta til að verða alvöru player er fókuslevelið og þess vegna eru kannski leikmenn að spila sem að ættu möguleika að spila erlendis. Skiptir svo miklu máli að falla ekki á fókusprófum með stupid mistakes.
Nánar er rætt við Arnar í viðtalinu sem fylgir, m.a. um taktískar breytingar í leiknum sjálfum, hvaða áhrif það hafði á Víkinga að leika á grasvellinum í Breiðholti og hann fer yfir hvað hans lið hefur hug á að gera í glugganum sem er nú að opnast.
Athugasemdir