Argentínski miðvörðurinn Lisandro Martínez gæti spilað með Manchester United gegn Crystal Palace á morgun.
Martínez hefur verið frá síðan í febrúar er hann sleit krossband einmitt í leik gegn Palace.
Hann hefur lokið endurhæfingarferlinu og er nú kominn með leyfi til þess að spila með United.
Argentínumaðurinn var í hópnum gegn Everton á mánudag en kom ekki við sögu. Það er möguleiki á að hann fái mínútur gegn Palace á morgun.
„Ef hann er á bekknum þá er hann klár. Að sjálfsögðu þurfum við að stýra mínútunum, en ef hann er á bekknum þá er hann klár að spila,“ sagði Ruben Amorim, stjóri Man Utd, við MUTV.
Athugasemdir
