Tomi Ameobi, bróðir Shola Ameobi, skoraði mark BÍ/Bolungarvíkur sem tapaði 1-2 fyrir ÍR í 1. deildinni í dag. Þetta var hans fyrsti leikur fyrir liðið.
„Við stjórnuðum leiknum stærstan hluta en þeir skoruðu snemma. Við vorum sterkari í seinni hálfleik og áttum að skora fleiri mörk," segir Tomi.
ÍR skoraði sigurmarkið úr vítaspyrnu sem liðið átti ekki að fá en dómarinn Leiknir Ágústsson dæmdi víti eftir að boltinn fór í andlitið á leikmanni heimamanna.
„Þetta var slæm ákvörðun hjá dómaranum. Við sáum það á myndbandsupptöku inn í klefa að boltinn fór í hausinn á honum."
Í sjónvarpinu að ofan má sjá viðtalið við Tomi Ameobi í heild sinni.
