Sigurður Halldórsson, þjálfari Tindastóls/Hvatar var ósáttur eftir 5-0 tap sinna manna í Mosfellsbænum gegn liði Aftureldingar.
Tindastól/Hvöt var spáð fjórða sætinu í sumar en liðið er án stiga eftir þrjár umferðir.
,,Þessi spá ykkar snillinganna er gjörsamlega út í hött en við komum til baka og ég er sannfærður um það að við réttum úr kútnum en það má eitthvað detta smá með okkur," sagði Sigurður við Fótbolta.net eftir leik í dag.
Þá var Sigurður nokkuð ósáttur með dómara leiksins en hann vildi ekki skella skuldinni alfarið á hann:
,,Dómarinn náttúrulega gerir ekki útslagið en hann viðurkennir stóran feil í öðru markinu og talar um hagnaðarreglu sem kom okkur heldur betur í mínus."
Viðtalið í heild sinni má sjá hér að ofan.
