Halldór Jón Sigurðsson
,,Ég er bara gríðarlega ánægður og stoltur. Mjög gott Tindastólslið í dag, spiluðum feykilega öfluga tvo hálfleika. Við sóttum af krafti og pressuðum þá hátt uppi," sagði Halldór Jón Sigurðsson, þjálfari Tindastóls eftir 6-2 sigur á Hetti í dag.
,,Við gerðum vel á mjög á mörgum stöðum á vellinum og sköpuðum okkur miklu fleiri færi til þess að skora fleiri mörk. Þannig ég var bara virkilega sáttur með og glaður með framlagið í dag og leikinn."
,,Við þekkjum þetta lið töluvert vel. Ég held að ég hafi þjálfað helminginn af þeim í vetur og þekki alla leikmenn liðsins mjög vel, svo við vissum þeirra veikleika og styrkleika, við lögðum upp með að pressa þá framarlega og ætluðum okkur að setja mörk og það gekk vel."
,,Sóknin okkar fékk töluvert fleiri færi til þess að skora mörk og mér fannst þeir ekki fá mörg færi, en þeir fengu fullt af föstum leikatriðum. Við vörðumst því ágætlega, þannig það var flott."
,,Við lögðum upp fyrir tímabilið að reyna að reyta eins mörg stig á heimavelli og við getum, við vitum að við þurfum að standa okkur vel þar. Þetta er rosalega erfið deild og það er mikilvægt og gott fyrir okkur að fara upp fyrir nokkur lið. Það er mjög gott fyrir framhaldið og sjálfstraustið hjá strákunum."
,,Það eru tíu dagar í næsta leik, það er kærkomið frí. Við erum með nokkra sem eru laskaðir, en algerlega frábærir þeir sem spiluðu dag. Ég hef engar áhyggjur ef að menn stíga svona upp þegar aðrir í meiðslum þá ættum við að geta staðið okkur þokkalega vel," sagði hann að lokum.
Athugasemdir
