Víkingur 0 - 1 Breiðablik (í dag 17)
Þetta er hættulegur og erfiður leikur fyrir Blika því þeir verða að vinna til að halda pressunni á FH en Víkingar þurfa einn sigur til að tryggja sig í deildinni. Gulli heldur enn og aftur hreinu og Blikar setja eitt úr föstu leikatriði.

Leiknir 1 - 1 Fjölnir (í dag 17)
Fjölnir hafa staðið sig vel í sumar og sigla lygnum sjó í deildinni. Hins vegar er þessi leikur gríðarlega mikilvægur fyrir Leikni og þeir munu leggja allt í sölurnar til að fá dýrmæt þrjú stig. En ég held samt að þetta endi með jafntefli því Fjölnir eru með nokkra mjög góða einstaklinga.

ÍA 1 - 3 KR (í dag 17)
Alltaf sjarmi yfir þessum leikjum á milli ÍA og KR. Hefur verið smá deyfð yfir KR í þónokkurn tíma en þeir eru lið með fullt af hæfileikum. Held að þeir verði númeri of stórir fyrir Skagamenn.

FH 2 - 1 ÍBV (í dag 17)
Þessi leikur er stórhættulegur fyrir FH og ég er hræddur um að sigurinn verði torsóttur en býst við og vona að þeir nái að klára þetta að lokum.

Valur 2 - 0 Keflavík (í dag 17)
Hef alltaf haft gaman að Keflavík í gegnum tíðina en þetta tímabil er búið að vera mjög erfitt fyrir þá og ég held að Óli Jó sé pottþétt með gott plan til að vinna þenna leik nokkuð örugglega

Stjarnan 2 - 2 Fylkir (mánudag 19:15)
Held að bæði lið séu ekki svo sátt við tímabilið í heild sinni en bæði stefna pottþétt á að enda vel og enda eins ofarlega og hægt er. Þetta endar með jafntefli í opnum leik.

Fyrri spámenn:
Árni Vilhjálmsson (5 réttir)
Ingólfur Sigurðsson (4 réttir)
Aron Einar Gunnarsson (3 réttir)
Haraldur Björnsson (3 réttir)
Haukur Harðarson (3 réttir)
Daði Guðmundsson (3 réttir)
Ejub Purisevic (3 réttir)
Kristján Gauti Emilsson (3 réttir)
Kolbeinn Tumi Daðason (3 réttir)
Þorkell Gunnar Sigurbjörnsson (3 réttir)
Jóhann Ólafur Sigurðsson (3 réttir)
Adolf Ingi Erlingsson (2 réttir)
Egill Ploder Ottósson (2 réttir)
Kristján Jónsson (2 réttir)
Maggi Peran (2 réttir)
Guðmundur Þórarinsson (1 réttur)
Hannes Þór Halldórsson (0 réttir)