María Þórisdóttir lék allan leikinn í gær þegar Noregur vann öruggan 3-0 sigur á Nígeríu í fyrsta leik sínum á Heimsmeistaramóti kvenna sem haldið er í Frakklandi.
María, sem leikur með Chelsea á Englandi, er dóttir Þóris Hergeirssonar sem þjálfar norska kvennalandsliðið í handbolta. Hún valdi að spila fyrir Noreg enda hefur hún búið alla sína ævi í Noregi.
Smelltu hér til að lesa viðtal sem var tekið við hana 2008.
Hún átti hörkuleik í gær í hjarta varnarinnar hjá Noregi og var henni hrósað í hástert fyrir frammistöðu sína. Philip O'Connor skrifar um Noreg á meðan HM stendur og hann var mjög hrifinn af frammistöðu Maríu í leiknum.
„Fótboltastaðreyndir dagsins: 70% af jörðinni er þakið vatni, um restina sér María Þórisdóttir," skrifaði hann á Twitter.
Noregur er einnig í riðli með Suður-Kóreu og gestgjöfum Frakklands.
Næsti leikur Noregs er við Frakkland á miðvikudag, en Frakkar unnu mjög svo þægilegan 4-0 sigur á Suður-Kóreu í opnunarleik mótsins.
Dagens fotballsfakta: 70 prosent av jorden er dekket av vann.
— Philip O'Connor, FIFA (@FIFAWWC_NOR) June 9, 2019
Resten er dekket av @MariaThorisdott #theyshallnotpass #sterkeresammen pic.twitter.com/zpPF4dAg5A
Athugasemdir