Mikið hefur verið látið með Blika fyrir mót, það er að segja þeir eru taldir mjög líklegir til að berjast um þann stóra - Íslandsmeistaratitilinn - í sumar.

Óskar Hrafn var í viðtali við Fótbolta.net fyrr í kvöld og var þar var hann spurður að því hvort tapið í kvöld væri áhyggjuefni fyrir framhaldið.

„Nei, þetta er ekki áhyggjuefni. Við getum ekki látið einn tapleik skilgreina alla vinnuna sem við erum búnir að leggja í þetta í vetur, og skilgreina liðið, leikmennina og hvort liðið sé gott," sagði Óskar Hrafn.

„Það er aldrei gaman að tapa, það er aldrei gaman að byrja mót illa en við vitum að það býr miklu meira í þessu liði en það sýndi í dag."

Næsti leikur Blika er við nýliða Leiknis í Breiðholti.