Hollenski bakvörðurinn Tyrell Malacia er á leið til PSV Eindhoven á láni frá Manchester United en hollenski miðillinn VI segir frá þessu í dag.
Malacia var nálægt því að ganga í raðir Benfica á dögunum en félögin náðu ekki samkomulagi og varð því ekkert af skiptunum.
VI segir að Malacia sé nú við það að ganga í raðir PSV á láni út tímabilið.
Þessi 25 ára gamli leikmaður á að spila stóra rullu restina af tímabilinu en PSV stefnir að því að vinna hollenska titilinn annað árið í röð.
Tími hans hjá United hefur einkennst af miklum meiðslum síðan hann kom frá Feyenoord fyrir þremur árum og aðeins spilað 47 leiki í öllum keppnum.
Athugasemdir
