Albert Hafsteinsson fór á kostum í dag með liði Fram sem vann sannfærandi 4-2 sigur á Víking Ólafsvík í fyrstu umferð Lengjudeildarinnar fyrr í kvöld. Albert byrjaði leikinn með látum með því að skora úr vítaspyrnu eftir 30 sekúndur auk þess að leggja upp tvö önnur mörk á næstu fjórum mínútum.
Lestu um leikinn: Fram 4 - 2 Víkingur Ó.
„Við vorum bara búnir að tala um að keyra yfir þá í byrjun, við erum með ákveðið forskot á önnur lið að það er búið að spá okkur upp og með því verðum við bara að mæta almennilega til leiks, við í rauninni bara drepum leikinn eftir 5 mínútur, 3-0.''
Frömurum hefur verið spáð góðu gengi í sumar, stefna þeir upp?
„Við erum með blóð á tönnunum eftir síðasta ár, ég held að það séu allir sammála um það að við séum með nógu gott lið til að fara upp og það er bara okkar að framkvæma það.''
Viðtalið í heild sinni má sjá í spilaranum hér fyrir ofan en þar ræðir Albert meðal annars betur um leikinn, markmiðin og einnig Jansen sprautuna sem hann fékk í gær og hafði greinilega ekki mikið áhrif á hann.
Athugasemdir