Pétur: Þetta er miklu jafnari deild og erfiðari leikir

Pétur Pétursson þjálfari Vals var til viðtals við Fótbolta.net eftir leikinn. Hvernig líður þér eftir leikinn?

„Bara mjög vel. Þetta var eins og venjulega að koma hingað, þetta eru alltaf læti og það þarf að vinna leikinn og við gerðum það."

Fyrrihálfleikurinn var frekar bragðdaufur. Hvað ræddir þú við stelpurnar í hálfleik?

„Mér fannst við í fyrri hálfleik ekki vera á okkar leik, töpuðum boltanum endalaust og vorum alltof langt frá mönnum og við löguðum það í hálfleik, mér fannst við koma mjög sterkar inn í seinni hálfleik."

Hvað fannst þér uppskera þennan sigur gegn hörku góðu Selfossliði?

„Já, það er hörku gott lið, mér fannst bara gæðin þegar upp var staðið hjá Elínu og sóknarmönnunum og liðinu í heild."

Mary Alice Vignola fékk slæmt höfuðhögg, hver er staðan á henni?

„Ég held að hún sé slæm, ég vona að þetta lagist hjá henni, hún er allavega ekki góð."

Stórir leikir hjá Val framundan, Stjarnan í Pepsi Max deildinni og Hoffenheim í meistaradeildinni. Hvernig líst þér á þau verkefni?

„Þetta er bara skemmtilegt það sem er nú að gerast, það er mikið af leikjum. Þetta er miklu jafnari deild og erfiðari leikir finnst mér. Svo er spennandi dæmi að fara spila á móti sterkum liðum í evrópu, okkur hlakkar bara til."