„Fyrstu tilfinningar eru ekki góðar," sagði Sara Björk Gunnarsdóttir, landsliðsfyrirliði, eftir grátlegt tap gegn Hollandi í kvöld.
Íslenska liðið þarf núna að fara í umspil um sæti á HM.
Íslenska liðið þarf núna að fara í umspil um sæti á HM.
Lestu um leikinn: Holland 1 - 0 Ísland
„Fyrri hálfleikur var ekki góður. Við vorum eftir á og náðum ekki að klukka þær, náðum ekki að halda bolta og náðum ekki að skapa okkur mikið. Við vorum þreyttar því við vorum alltaf eftir á. Við náðum ekki að leysa þetta fyrr en í seinni hálfleik þegar við þéttum inn á miðjuna."
„Það gerði okkur auðveldara fyrir að verjast. Við gáfum þeim kantana og gáfum þeim svæðin þar og svo vörðumst við fyrirgjöfunum, við gerðum það ótrúlega vel. Ef það vorum ekki við, þá var Sandra að grípa alla bolta."
„Það var ótrúlega sárt að sjá boltann inni þegar nokkrar sekúndur voru eftir."
„Maður var byrjaður að sjá þetta fyrir sér (HM drauminn) og það var gríðarlega sárt að sjá boltann inni."
Hvernig rífur maður sig upp eftir þetta?
„Maður gerir það bara. Maður verður bara að halda áfram. Þetta er ekki búið. Það er umspilið eftir. Við þurfum að leyfa okkur að líða illa í kvöld. Svo hittumst við aftur eftir fjórar vikur. Það er bara áfram gakk," sagði fyrirliðinn.
Athugasemdir