Arsenal orðað við fjóra sóknarmenn - Real Madrid að sækja bróður Mbappe líka - Zidane efstur á lista Ratcliffe - Barcelona á eftir De Gea
Sjáðu þrumuræðu Þorvalds Örlygssonar sem tryggði honum formannsembættið
Ingibjörg: Hafði alltaf trú
Telma: Vissi að við kæmum brjálaðar til baka
Sveindís: Lofaði að bæta upp fyrir það og fannst ég gera það
Glódís: Við sem leikmenn, þjóðin og KSÍ þurfum öll að stíga upp
„Búin að fá einhverja Twitter-kalla á sig en gerir okkur að sterkara liði"
Steini: Allt í lagi á meðan maður fær ekki slag
Alexandra í skýjunum: Það væri galið að setja hann ekki í svæðið
Hildur: Í augnablikinu vissi ég ekki að það kæmi mark úr því
Fyrsta landsliðsmarkið kom á besta tíma - „Ólýsanleg tilfinning"
Gunnhildur: Ætlað mér að vera styrktarþjálfari í svona tíu ár
Sædís: Þurfum að vera rólegri á boltanum og þora
Hefði frekar verið til í Valsvöllinn - „Eitthvað sem ég þarf að laga fyrir næsta leik"
Guðrún: Það voru Blikalög í rútunni á leiðinni og allir pepp
Alexandra: Er svo hógvær að ég segi að þetta sé sjálfsmark
Máni efstur í kosningu til stjórnar KSÍ
Þrumuræða Þorvaldar gerði útslagið: Fyrst og fremst tilfinningar frá mér
Sveindís beðið lengi - „Erfitt að segja hvenær maður kæmist aftur í fótbolta"
Steini: Svona atriði sem skipta gríðarlega miklu máli
Telma: Það var kannski smá mikið að gera á köflum
   fös 08. desember 2023 17:30
Sæbjörn Þór Þórbergsson Steinke
Aron Jóhanns: Maggi reynt að fá mig þrisvar og mig langað að fara í öll skiptin
,,Í fyrsta skiptið sem ég geri það sem mig langar virkilega til að gera"
Lengjudeildin
Mynd: Fótbolti.net - Hafliði Breiðfjörð
Mynd: Afturelding
Hef ekkert nema gott um Fram að segja
Hef ekkert nema gott um Fram að segja
Mynd: Fótbolti.net - Hafliði Breiðfjörð
Aron hefur spilað með Haukum, Grindavík, Fram og nú Aftureldingu á sínum ferli.
Aron hefur spilað með Haukum, Grindavík, Fram og nú Aftureldingu á sínum ferli.
Mynd: Fótbolti.net - Hafliði Breiðfjörð
„Ákvörðun sem mig langaði að taka, mjög spenntur fyrir þessu verkefni. Ég hlakka mjög mikið til," sagði Aron Jóhannsson við Fótbolta.net í dag.

Aron gekk í raðir Aftureldingar í síðasta mánuði eftir að hafa spilað með Fram í Bestu deildinni á síðasta tímabili.

„Það svo sem fór ekkert mikið í gegnum hausinn á mér (að fara úr Bestu í Lengjudeildina). Ég er tvisvar búinn að taka skrefið upp í Bestu deildina á ferlinum og það var í raun enginn þáttur í ákvörðun minni."

Aron átti fínasta tímabil með Fram. „Ég vil meina að ég heima í Bestu og það er markmiðið núna að koma Aftureldingu upp í Bestu deildina."

Af hverju ferðu frá Fram í Aftureldingu?

„Maggi (Magnús Már Einarsson) er mjög sannfærandi. Það er svo einfalt. Þetta var í þriðja skiptið sem hann reyndi að fá mig og mig langaði að fara í hin tvö skiptin og ég lét verða af því núna."

Spilaði í varnarsinnaðra hlutverki en rætt var um
Aron rifti samningi sínum við Fram í lok tímabils. Var eitthvað vesen hjá Fram?

„Alls ekki, hef ekkert nema gott um Fram að segja, leið mjög vel. Þetta er einhvern veginn í fyrsta skiptið sem ég geri það sem mig langar virkilega til að gera."

Varstu ánægður með hlutverkið hjá Fram?

„Já já. Þetta þróaðist aðeins öðruvísi en talað var um. Ég spilaði meirihluta í varnarsinnaðra hlutverki sem er ekki minn sterkasti kostur inn á vellinum. Ég fékk að fara framar síðari hlutann á tímabilinu og stóð mig bara ágætlega held ég."

Aron er 29 ára miðjumaður sem kom við sögu í öllum 27 leikjunum í sumar. Hann skoraði sex mörk og lagði upp fjögur.

Hvernig var stemningin í fallbaráttunni, var þungt andrúmsloft?

„Ég myndi ekki segja þungt. Nonni var rekinn og þá kom örlítið skrítin stemning í þetta en menn voru fljótir upp á tærnar aftur og gerðu vel. Það voru taktískar breytingar (eftir að Raggi tók við) og liðið róteraðist aðeins, en kannski ekki miklar breytingar."

Rúnar Kristinsson sagði frá því þegar hann var tilkynntur þjálfari Fram að hann væri þegar búinn að heyra í Aroni.

Aron sagði að það samtal hefði verið gott, en niðurstaðan var að Rúnar náði ekki að sannfæra hann um að vera áfram.

Leikstíllinn mest spennandi
Hvernig líst honum á Aftureldingu?

„Mjög vel, búið að koma virkilega mikið á óvart ef ég á að segja eins og er. Það er vel staðið að öllu og bara gott."

Sérðu eftir því að hafa ekki samið við Aftureldingu fyrir síðasta tímabil?

„Ég hef mikið rætt við menn í gegnum ferilinn að það er alltaf gott að vera vitur eftir á. En nei nei, engin eftirsjá."

Af hverju segirðu já við Magga núna í þriðja skiptið?

„Eins og ég kom inn á þá var þetta eitthvað sem mig langaði virkilega að gera. Kannski einhver punktur með hollustu (loyalty). Ég var lengi hjá tveimur félögum (Grindavík og Haukum), Fram er frábær klúbbur og allt það en þetta var eitthvað sem mig langaði að gera."

Hvað er mest spennandi við Aftureldingu?

„Leikstíll liðsins. Ég held hann henti mér vel og ég held að þjálfararnir sjái gott 'match' þarna," sagði Aron að lokum.
Athugasemdir
banner
banner