Sara verður með fyrirliðabandið í Hollandi.
„Tilfinningin er öðruvísi, já" sagði Sara Björk Gunnarsdóttir, fyrirliði íslenska landsliðsins, um það hvort tilfinningin fyrir EM í Hollandi, sem hefst eftir nokkra daga, væri öðruvísi en fyrir önnur hin Evrópumótin sem hún hefur farið á.
„Það er allt stærra í kringum þetta stórmót. Það er miklu meira af fjölmiðlum og miklu meiri hvatning í kringum liðið."
„Það er allt stærra í kringum þetta stórmót. Það er miklu meira af fjölmiðlum og miklu meiri hvatning í kringum liðið."
Sara er bjartsýn fyrir mótið og telur möguleikana góða.
„Ég tel möguleikana mjög góða. Við erum með góð markmið og háleit markmið sem við erum staðráðnar að ná."
Sara gekk í raðir þýska stórliðsins Wolfsburg og það hefur hjálpað henni mikið. Wolfsburg er eitt besta félagslið heims.
„Það hefur hjálpað mér mikið, ég hef bætt mig mikið sem leikmaður, ég er orðin betri og hef meira sjálfstraust. Það er eitthvað sem ég get gefið í landsliðið."
Hún segir að þetta landslið sé betra en hin tvö liðin sem fóru á EM fyrir fjórum og átta árum síðan.
„Við erum klárlega betri og með hverju árinu finnst mér við vera að bæta okkur, leikmenn eru að verða betri. Með hverju árinu verðum við betri."
„Ég fór bjartsýn inn í hitt mótið og við stóðum okkur frábærlega en ég held að við séum betri í dag," sagði Sara að lokum.
Viðtalið má sjá í heild sinni hér að ofan.
Athugasemdir
