Heimir vann sinn fyrsta leik með Írum í síðustu umferð gegn Finnlandi, en náði ekki að fylgja því eftir í kvöld.

Fyrirliði Grikkja, Anastasios Bakasetas, skoraði fyrra mark Grikklands á 48. mínútu með ágætu skoti fyrir utan teig og þá gerði Petros Mantalos seinna markið undir lok leiks eftir skelfileg mistök frá Caoimhin Kelleher, markverði Írlands og Liverpool.

Kelleher átti slaka sendingu út frá marki á Mantalos sem skoraði síðan örugglega. Markvörðurinn hafði verið besti maður Írlands fram að mistökunum og átt nokkrar frábærar vörslur.

Markvörðurinn mun fá tækifærið í marki Liverpool næstu vikur vegna meiðsla Alisson og vonast stuðningsmenn eftir því að hann verði fljótur að komast yfir þessi neyðarlegu mistök.

Írland er með aðeins 3 stig í næst neðsta sæti riðilsins en Grikkland á toppnum með 12 stig.

Norska landsliðið tapaði þá fyrir Austurríki, 5-1. Marko Arnautovic skoraði tvö fyrir heimamenn, þar af eitt úr víti, en Alexander Sorloth gerði eina mark Noregs.

B-deild:

Grikkland 2 - 0 Írland
1-0 Anastasios Bakasetas ('48 )
2-0 Petros Mantalos ('90 )

Austurríki 5 - 1 Noregur
1-0 Marko Arnautovic ('8 )
1-1 Alexander Sorloth ('39 )
2-1 Marko Arnautovic ('49 , víti)
3-1 Philipp Lienhart ('58 )
4-1 Stefan Posch ('62 )
5-1 Michael Gregoritsch ('71 )

C-deild:

Færeyjar 1 - 1 Lettland
1-0 Hanus Sorensen ('40 )
1-1 Dario Sits ('69 )