Fótbolti.net

Ómar Björn: Greinilega alltaf gíraðir gegn Blikunum

Lárus Orri: Sagði við mig eftir leik að þetta væri auðveld staða

Dóri Árna: Meiri trú og ástríða í augum Skagamanna

„Þú veist að það er bara einn Siggi Hall"

Guðlaugur Victor fer yfir sigurmark Frakka: Ég er nógu hraður til að díla við Mbappe

Daníel Tristan í skýjunum: Það skemmtilegasta sem ég hef gert í lífinu

Skoraði markið umtalaða - „Dómaranum fannst það sem ég skil ekki”

Ísak stoltur og talar um rán - „Ég er bara að drepast”

Vissi að þetta væri rautt: „Sagði strax við strákana að ég ætla að liggja aðeins“

Franskur blaðamaður: Yrði mikið sjokk að vinna ekki Ísland

Kristian: Ekki rétt það sem kom fram um mig

„Ef við byrjum leikina eins og seinni hálfleik getum við gert drullu góða hluti"

Ólafur Ingi stoltur af frammistöðunni - „Fyrir mér glórulaus dómur"

Mikael Egill: Er það ekki bara Frakkinn?

Stefán Teitur: Nei, það er geðveikt

Sverrir Ingi: Bónusleikur fyrir okkur

Ísak Bergmann: Stórt fyrir Skagann á erfiðu sumri

„Mbappé má eiga það að hann er fljótur”

Björgvin Karl: Hefðum átt að klára þennan leik

Óli Kri: Við fengum erfiðan andstæðing í dag

mán 13. nóvember 2023 20:20

Elvar Geir Magnússon
Vín

„Mætti um morguninn og var sagt að ég væri kominn í annan klefa“

Kristian Nökkvi Hlynsson á æfingu í Vínarborg í kvöld.

Mynd: Fótbolti.net - Hafliði Breiðfjörð

Kristian í leik með Ajax.

Mynd: EPA

Mynd: Fótbolti.net - Hafliði Breiðfjörð

„Já það er markmiðið," svaraði Kristian Hlynsson þegar hann var spurður að því hvort hann vonaðist ekki eftir því að leika sinn fyrsta A-landsleik í þessum landsleikjaglugga.

Þessum nítján ára leikmanni líst vel á komandi leiki, gegn Slóvakíu á fimmtudag og Portúgal á sunnudag. Hann hefur verið í landsliðshópnum síðustu leiki en er enn að bíða eftir tækifærinu.

Age Hareide landsliðsþjálfari hefur ekki leynt aðdáun sinni á Kristian sem fótboltamanni og sagði á dögunum að hann væri hreinlega aðdáandi hans.

„Það var bara flott. Vonandi eru allir þjálfarar sem maður fer til aðdáendur manns og vilja að ég spili," sagði Kristian þegar hann var spurður út í ummæli hins norska. Kristian spjallaði við Fótbolta.net eftir æfingu í Vínarborg í kvöld.

Þó enn séu örlitlir tölfræðilegir möguleikar á að Ísland komist upp úr riðlinum má búast við því að umspil verði niðustaðan

„Það er allt hægt. Þetta eru tvö mjög góð lið og við þurfum að eiga okkar allra besta leik til að vinna þau."

08.11.2023 14:00

„Ég er mikill aðdáandi Kristians Hlynssonar"

Ljósið í myrkrinu hjá Ajax
Kristian er einn okkar efnilegasti leikmaður og hefur verið að fá stærra og stærra hlutverk með hollenska stórliðinu Ajax. Á dögunum var tilkynnt að hann væri alfarið orðinn leikmaður aðalliðsins og dagar hans hjá varaliðinu og unglingaliðinu taldir. Það þýðir að hann er kominn í nýjan klefa á æfingasvæðinu.

„Það var mjög gaman. Ég mætti um morguninn og mér var sagt að ég væri kominn í annan klefa," segir Kristian.

Talað hefur verið um að Kristian sé einn af fáum björtum punktum á erfiðu tímabili Ajax. Liðið var í botnsætinu í Hollandi nýlega og blóðheitir stuðningsmenn létu óánægju sína í ljós.

„Þegar maður er inni á vellinum þá fókusar maður meira á leikinn. Ef við vinnum eru allir glaðir. Svo vilja stuðningsmennirnir fá meira ef ekki gengur nægilega vel. Það er bara markmiðið að klifra upp töfluna og gera vonandi aðeins betur í Evrópudeildinni og komast áfram þar," segir Kristian en Ajax hefur aðeins náð að rétta úr kútnum, er í tólfta sæti af átján liðum.