„Gríðarlega svekkjandi, erum í sókn allan tímann í þessum leik og við fáum að ég held fimmtán dauðafæri og náum ekki að nýta eitt þeirra. Ef við nýtum ekki færin þá er þetta sjálfum okkur um að kenna. Því miður vildi þetta ekki inn hjá okkur - mjög slæmt," sagði Helgi Sigurðsson, þjálfari ÍBV, eftir jafntefli gegn Leikni F. í dag.
Lestu um leikinn: ÍBV 0 - 0 Leiknir F.
ÍBV hefur leikið sex leiki án þess að sigra. Toppbaráttan orðin erfið upp á að komast í Pepsi Max-deildina?
„Já við gerðum okkur þetta enn erfiðara fyrir í dag og það er engum að kenna nema okkur sjálfum. Erum endalaust með boltann, endalaust að skapa dauðafæri eða hálffæri en við náum ekki að koma boltanum í netið sem er það mikilvægasta í fótbolta."
Er Helgi ánægður með þróunina á liðinu og spilamennskuna?
„Ég er mjög ánægður með síðustu tvo þrjá leiki þó það sé asnalegt að segja það þar sem við erum ekki að vinna. Við erum að spila vel og skapa mikið af færum. Öll tölfræði sýnir að við erum að spila vel en á meðan við erum ekki að skora þá verður þetta gríðarlega erfitt og við erum að gera okkur þetta æ erfiðara í toppbaráttunni."
Nánar er rætt við Helga í spilaranum hér að ofan.
Athugasemdir
