Sara Björk í leiknum í dag.
“Já, hvað á maður að segja. Fyrsti sigurinn á Þýskalandi. Bara geggjuð tilfinning,” sagði Sara Björk Gunnarsdóttir, fyrirliði Íslands, eftir fyrsta sigurinn í sögu liðsins gegn því þýska.
Lestu um leikinn: Þýskaland 2 - 3 Ísland
Fólk var búið að rýna í tölfræðina fyrir þennan leik. Það eru 30 ár síðan við skoruðum síðast mark gegn Þýskalandi. Hvað gerðist hérna í dag?
“Já, tölfræðin ekki alveg með okkur en við vorum bara með ákveðið plan. Við fylgdum því 100% og það gekk bara 100% upp.”
Freyr er búinn að rýna vel í þetta þýska lið, en það sást langa leið uppí stúku. Undirbúningurinn, hefur ekki tekið svolítið á kollinn að taka þetta allt saman inn?
“Jú, undirbúningurinn er búinn að vera svakalega góður. Við vissum nákvæmlega hvernig þær ætluðu að spila og þær spiluðu eins og Freyr var búinn að leggja upp með. En síðan líka snýst þetta um hvernig við förum í leikinn og vorum allar inná vellinum 100% fókuseraðar og vissum nákvæmlega okkar hlutverk. Og gerðum það rosa vel.”
Þessi sigur opnar klárlega á raunhæfa HM möguleika.
“Klárlega. Við förum núna til Tékklands og ætlum okkur 3 stig þar. Það gríðarlega sterkt að fara heim með 6 stig eftir að hafa spilað á móti þessum sterku liðum.”
Verðið komnar niður á jörðina fyrir Tékkaleikinn?
“Jájá, við verðum búnar að gera það. Við munum undirbúa okkur jafn vel fyrir Tékkaleikinn,” sagði fyrirliðinn að lokum.
Nánar er rætt við Söru í sjónvarpinu hér að ofan.
Athugasemdir
