Orri Sveinn Stefánsson, leikmaður Fylkis
„Við vorum pínu ragir í byrjun, byrjuðum kannski aðeins svona á afturfótunum. Eftir að við settum 2-2 markið fannst mér þetta alltaf vera okkar leikur." sagði Orri Sveinn Stefánsson eftir 3-2 sigur gegn KV í Lengjudeild karla.
Lestu um leikinn: KV 2 - 3 Fylkir
Fylkir lentu tvívegis undir í leiknum en komu tilbaka í síðari hálfleik.
„Þetta var bara spurning um að finna svæðin sem þeir voru opnir með. Það var svolítið mikið á milli bakvarðar og hafsent hjá þeim og við reyndum bara að finna þau svæði sem gekk mjög vel í seinni hálfleik."
Rúnar Páll, þjálfari Fylkis var í banni í þessum leik vegna fjöldra gulra spjalda.
„Hann talaði við okkur í gær fyrir æfingu og eftir æfingu og peppaði okkur bara svolítið og svo var Olgeir bara með þetta. Við vitum alveg hvað við þurfum að gera, við þurfum bara að spila fótbolta og þá erum við betra liðið."
Næsti leikur Fylkis er við Fjölni eftir fimm daga.
„Það verður verðugt verkefni fyrir okkur, fara á grasið upp á Extra vellinum. Þannig að það verður hörkuleikur fyrir okkur."
Viðtalið má sjá í heild sinni hér að ofan
