Enski knattspyrnusérfræðingurinn Rio Ferdinand var skelkaður á frammistöðu enska dómarans, David Coote, í 1-0 sigri Manchester United á WBA í ensku úrvalsdeildinni í kvöld.
Ferdinand, sem lék lengst af með Manchester United í deildinni, var sérfræðingur hjá BT Sport í kvöld yfir leiknum en hann ræddi þar ákvörðun Coote um að taka víti af WBA.
Bruno Fernandes sparkaði Conor Gallagher niður í teignum og dæmdi Coote vítaspyrnu en ákvað svo að skoða VAR-skjáinn og fara yfir atvikið. Hann dró ákvörðun sína til baka og átti Ferdinand ekki til orð yfir dómgæslunni.
„Þetta er skammarleg ákvörðun. Hann tók rétta ákvörðun í fyrra skiptið og þetta var klár vítaspyrnu. Hvernig getur hann farið gegn eigin sannfæringu í þessu?" sagði Ferdinand á BT Sport.
Coote hefur komið mikið við sögu á þessu tímabili en hann var í VAR-herberginu er Jordan Pickford, markvörður Everton, fór í hættulega tæklingu á Virgil Van Dijk í grannaslagnum gegn Liverpool í október. Hann dæmdi rangstöðu á Van Dijk en vissi ekki að hann mætti skoða brotið á hollenska miðverðinum.
Athugasemdir